Os dreitos d’os neofablants

Neofablants d’aragonés (y bell fablant nativo), en l’A.C. Nogará-Religada

Resumen (aragonés): Con a enchaquia d’o diya internacional d’a luenga materna, o pasau 21 de febrero, aquí reflexiono sobre o papel d’os neofablants en luengas minoritarias, que cada vegada pillan más peso, basando-me en as ideyas de James Costa (2015).

Resumen (castellano): Con el pretexto del día internacional de la luenga materna, el pasado 21 de febrero, aquí reflexiono sobre el papel de los neohablantes en lenguas minoritarias, que cada vez tienen más peso, basándome en las ideas de James Costa (2015)

Abstract: On the ocassion of the international mother language day, on February 21, here I discuss the role of the  increasingly significant new-speakers of minorized languages, according to the ideas of James Costa (2015)


L’aprendizache de nuevas luengas ye una tendencia global dende o zaguer sieglo y a más gran parti d’as luengas que s’estudian no gosan d’estar luengas populars en o territorio an que o escolano vive, crebando o vinclo luenga-territorio. As luengas que s’aprenden gosan d’estar luengas mayoritarias, pero cada vegada más personas tamién amuestran intrés por as luengas minorizadas y por o suyo aprendizache. En iste zaguer caso, os escolanos gosan d’estar asociaus a nuevas formas de vida, urbanidat y un fundo compromís politico, a ormino charran atras luengas mayoritarias antiparti d’a materna y a luenga minorizada que aprenden gosa d’estar un estándar de cabo quan acusau «d’artificial» (Costa 2015)

Tanto as caracteristicas d’a más gran parti d’os nuevos fablants -chovens, modernos, urbanos, politizaus- y a luenga que aprenden -estándar- fan esferencias relevants en o tocant a la comunidat tradicional de fablants, y ixas esferencias cheneran controversias y pleitos. En terminos territorials, os fablants nativos gosan de vivir en areas rurals, mientras que os neofablants por un regular viven en grans lugars y ciudatz (O’Rourke y Ramallo 2011). Con tot y con ixo, tamién migrants dende os lugars rurals ent’as ciudatz -y en menor mida, migrants dende as ciudatz ent’os lugars- pueden conectar istas dos comunidatz esferents. Igualment, os neofablants fan un porcentache cada vegada más gran d’o total de fablants d’as luengas minoritarias, como ye o caso de l’aragonés, o guernesiés u l’occitano (Sallabank 2010, Costa 2015).

Luent d’estar categorías purament descriptivas, ‘nativos’ y ‘neofablants’ lechitimizan a os fablants d’esferent trazas (Bourdieu 1977). Por un regular, o principal criterio t’a lechitimazión lingüistica ye o cumplimiento d’una serie de normas ‘correctas’ previament estableixidas por bella autoridat -en procesos que, por un regular, levan continas negociacions y presions. Mientras a comunidat de fablants nativos decreixe, os neofablants creixen, istos zaguers ganan peso sobre os primers en o estableximiento de normas lingüisticas, mesmo quan o termino ‘neofablant’ ye muitas vegadas peyorativo y nomás as solucions lingüisticas emplegadas por a comunidat tradicional son consideradas chenuinas. Asinas, prous neofablants a ormino miran d’estableixer normas lingüisticas basadas en as solucions lingüisticas d’os fablants nativos, lechitimizan a la comunidat de fablants nativos y con isto miran d’estar reconoixius y lechitimaus entre a comunidat de neofablants. Ta istos fablants, a influencia d’a luenga mayoritaria que presiona a la minorizada sobre os neofablants ye muito más criticable que a influencia d’a mesma luenga mayoritaria sobre os fablants nativos, y en iste chuego de lechitimidatz, as solucions lingüisticas d’os nativos -y más que más d’os nativos viellos- tienen más valura mesmo si a suya luenga en o suyo conchunto ye más malmesa por a luenga mayoritaria. Bells autors consideran que istas propuestas u discusions de lechitimidatz responden a intreses no lingüisticos, relacionaus más que más con «custions politicas, socials y morals» (Costa 2015, 133) y a la fin con o estableximiento d’una autoridat. Ista ideya ye refirmada por o feito de que os  neofablants que quieren establir istas normas lingüisticas a ormino mezclan a lechitimidat d’as solucions d’os fablants nativos con atros criterios -luenga historica, etimolochía, potencialidatz en amostranza y aprendizache, solucions lingüisticas trobadas en atras luengas, nivelación dialectal- de trazas prou arbitarias, mirando d’esparricar y imposar as suyas propias formulas lingüisticas. D’atra man, bells fablants nativos tamién pueden considerar variedatz estandar d’a suya luenga como os modelos intelectuals y lechitimos a seguir (Costa 2015). En parolas de Costa (2015):

estar un ‘neofablant’ tien muito que veyer con qui ye un en o mundo, personalment u cara t’atros fablants t’os que uno puede estar o modelo, u cara t’ixos activistas d’a luenga, academicos, profesors, totz ells con os suyos intreses varios en o estableximiento d’una autoridat que indique quála ha d’estar a norma lingüistica. Asinas, as luengas minorizadas son mercaus celosament guardaus, a ormino prou chicotz como ta poder estar controlaus de traza relativament fácil (más que más mientras os fablants tradicionals dispareixen), y que a suya entrada ha d’estar hábilment  negociada (143)

Referencias

Bourdieu P (1977) »The economics of linguistic exchanges» Social Science Information 16(6): 645-668.

Costa J (2015) »New speakers, new language: on being a legitimate speaker of a minority language in Provence» International Journal of the Sociology of Language 231: 127-145.

Sallabank J (2010) »The role of social networks in endangered language maintenance and revitalization: The case of Guernesiais in the Channel Islands» Anthropological Linguistics 52(2): 184-205.

O’Rourke B, Ramallo F (2011) »The native-non-native dichotomy in minority language contexts: comparison between Irish and Galician» Language Problems & Language Planning 35(2): 139-159.

Unas cuantas cosas sobre la normativización del aragonés / A few things about normativisation of the Aragonese language


New paper published on Revista de Filología Románica, 35 (2). Edited by Universidad Complutense de Madrid.


In recent decades, there has been a debate over the Aragonese standardization that has become more intense with the approval of the Aragon languages law in 2009, and its amendment in 2013. Thus, a stance considers that linguistic policy should be carried out directly on diatopic varieties and other view believes better a standardization and normalization arounda common model.

This article summarizes the central issues of the debate from the viewpoint of a supporter of standardization and normalization focused on a common model, using the latest interactive public discussion held with one of the defenders of language planning around diatopic varieties, Professor José Luis Mendivil.

Firstly, we discuss and analyse the main arguments for a normativization and a normalization around diatopic varieties of the Aragonese language, second, we summarize the main arguments for the establishment of a common model of the Aragonese and finally we throw a few brief questions and comments to supporters of a language policy focused on varieties.